जेनजी आन्दोलनपछि उत्पन्न राजनीतिक परिस्थितिमा चीनले आफ्ना राजदूत हेरफेर गरेको छ ।
चीनले नेपालमा निर्वाचन हुनै लाग्दा नयाँ राजदूत पठाएको छ ।
नेपालका लागि चीनका नवनियुक्त राजदूत चाङ माओमिङले आज परराष्ट्रमन्त्री बालानन्द शर्मासँग शिष्टाचार भेट गर्नुभएको छ । मन्त्री शर्माको कार्यकक्षमा भएको उक्त भेटमा नेपाल–चीन सम्बन्धका साथै आपसी हित र सहयोगका विविध विषयमा छलफल भएको परराष्ट्र मन्त्रालयले जनाएको छ ।
राष्ट्रपति रामचन्द्र पौडेलसमक्ष मङ्गलबार उहाँहरुले आ–आफ्नो ओहोदाको प्रमाणपत्र प्रस्तुत गर्नुभएको थियो ।
नवनियुक्त राजदूत चाङ माओमिङ यसअघि जापान, बेलायतजस्ता शक्तिशाली मुलुकका कूटनीतिक मिसनहरुको नेतृत्व सम्हालिसेका छन् ।
उनी चिनियाँ सेनाका विमान उडाउन सक्ने दक्ष चालक पनि हुन् । चीनले सैन्य सेवाको पृष्ठभूमि भएका कूटनीतिज्ञ नेपाल पठाउनुलाई अर्थपूर्ण रुपमा हेरिएको छ ।
