विश्वको अग्रणी प्रविधि कम्पनी एनभिडियाका प्रमुख कार्यकारी अधिकृत जेन्सेन ह्वाङ गम्भीर आन्तरिक अनुसन्धान र अमेरिकी सङ्घीय निगरानीको घेरामा परेका छन्। अमेरिकी गुप्तचर अधिकारीहरूले चिनियाँ जासुसका रूपमा पहिचान गरेकी एक महिलासँग ह्वाङको गैरवैवाहिक सम्बन्ध रहेको खुलासा भएपछि उनीमाथि अनुसन्धान सुरु भएको हो।

​गुप्तचर निकायका अनुसार सिङ्गापुरस्थित ‘मेगास्पिड’ कम्पनीकी पूर्व कार्यकारी एलिस ह्वाङ (ह्वाङ ले) लाई चीनले सूचना सङ्कलनका लागि प्रयोग गरेको पाइएको छ। घटना सार्वजनिक भएपछि ६३ वर्षीय जेन्सेन ह्वाङले नोभेम्बर ८, २०२६ मा कम्पनीका कर्मचारीहरूलाई पत्र लेख्दै आफूबाट भूल भएको स्वीकार गरी परिवार र सहकर्मीहरूसँग माफी मागेका छन्।

​यसैबिच एनभिडियाको स्वतन्त्र सञ्चालक समितिले बाह्य कानुनी टोलीमार्फत छानबिन अघि बढाएको छ। कम्पनीको गोप्य प्रविधि वा राष्ट्रिय सुरक्षामा क्षति नपुगेको दाबी गर्दै बोर्डले अनुसन्धान जारी रहँदा ह्वाङलाई सिइओ पदमै कायम राख्ने जनाएको छ। अमेरिकाले प्रतिबन्ध लगाएका एआई चिप्स चीन तस्करी गर्न मेगास्पिडको प्रयोग भएको छ कि छैन भन्ने विषयमा पनि अमेरिकी र सिङ्गापुरका अधिकारीहरूले छानबिन गरिरहेका छन्। यो खबरसँगै सेयर बजारमा एनभिडियाको २८० अर्ब डलरभन्दा बढीको बजार मूल्य घटेको छ।