श्रम तथा व्यवसायजन्य सुरक्षा विभागले श्रमिकहरूलाई अनिवार्य रूपमा “चाडपर्व खर्च” उपलब्ध गराउन सबै रोजगारदाता तथा प्रतिष्ठानहरूलाई निर्देशन दिएको छ।
“श्रम ऐन, २०७४ को दफा ३७” बमोजिम प्रचलित धर्म, संस्कृति तथा परम्परा अनुसार मनाइने चाडपर्वका लागि प्रत्येक श्रमिकले खाइपाइ आएको “एक महिनाको आधारभूत पारिश्रमिक बराबरको रकम” प्रत्येक वर्ष चाडपर्व खर्चका रूपमा पाउने कानुनी व्यवस्था रहेको छ।
यदि रोजगारदाता वा प्रतिष्ठानले उक्त सुविधा उपलब्ध नगराएमा सुविधा नपाउने श्रमिक वा कामदारले आफ्नो कार्यक्षेत्र पर्ने “श्रम तथा रोजगार कार्यालय” वा “श्रम तथा व्यवसायजन्य सुरक्षा विभाग”मा उजुरी तथा निवेदन दिन सक्नेछन्।
सूचनाका लागि विभागको वेबसाइट www.dolos.gov.np मा हेर्न सक्नुहुन्छ । उजुरी, गुनासो तथा सुझावका लागि [email protected] मा इमेल गर्न सक्नुहुन्छ। साथै उजुरी, गुनासो दिन विभागले QR code पनि उपलब्ध गराएको छ ।
